Nasjonal Prøve.

Ein skuleklasse skal ha prøve, Nasjonal prøve.
På naboskulen er det kome truslar om skulemassakre, men prøva må gå si gang for ein kvar pris. Det store uromomentet i klassen, Vidar, er tidligare utvist og flytta til naboskulen. Kan det vere han som står bak truslane?
Stykket skildrar korleis eit lite samfunn blir rive i sund av frykt. Konkret frykt, men òg frykta for det som er annleis; det som ikkje passer inn.
I løpet av stykket ser vi korleis fleire kan ha motiv for å øydelegge eit miljø som ikkje heilt har plass til enkeltindivida. Med fundament i det gjenkjennelege, bryt historia ut av det realistisk avgrensa klasserommet.

Maria Tryti Vennerød (f. 1978) debuterte på Norsk Dramatikkfestival i 2002. I 2005 vann ho Ibsenprisen for DAMA I LUKA og fekk oppført FRANK (vinnarstykket i Svensk-norsk dramatevling 1905-2005, arrangert av Det Norske Teatret og Stockholm Stadsteater). Seinare har ho skrive for produksjonar der ho òg har hatt regi, seinast operaen KOK i 2009. I 2010 vart stykket NEVERLAND oppført på Det Norske Teatret.

Nasjonal Prøve er eit krevjande stykke for dei unge skodespelarane.Vi har arbeidd mykje med tekst og undertekst for å få fram tydelege karakterar og liv i teksten. Det er skrive på nynorsk og orda er ikkje valde tilfeldig. Nynorsk er eit skriftspråk og vi har prøvd å få fram den bergenske versjonen som ein nynorskprega dialekt. Ungdommane har prøvd å finne sin vri og bruke dei orda som fell mest naturleg innanfor rammene teksten gir. Eit levande språk, men ikkje heilt daglegtale. Frå den første leseprøven i haust, der vi lo av mange replikkar, har vi for kvar øving funne nye meiningar, meir alvor – og viktige, sterke tema undervegs i prosessen. Teksten har mange lag og moglege meiningar.
Finst det ein fasit?

Visninger:
Studio USF: 27., 28. og 29. januar 2011
DNS Lille Scene/DUS-festival: 25. februar 2011

Teaterskolen for barn og unge set kvart år saman ei Extragruppe som er eit supplerande tilskot for elevar mellom 13 og 19 år som ønskjer å utvikle sine skodespelarferdigheiter og lære meir om teaterarbeidet. VT ønskjer at tilbodet skal vera av høg kvalitet, og Extragruppa jobbar profesjonelt og målretta fram mot ei framsyning.

I år er Teater Extra med i DUS (Den unge scenen): 14 teaterinstitusjonar i 13 fylke dannar eit nettverk som utviklar og fremjer ungdomsteater i Norge. DUS bestiller og utviklar sceniske tekstar skrivne for ungdom, og som skal framførast av ungdom. Målet er å stimulere produksjonen av ungdomsteater. Det er første året Hordaland med Bergen er med som region.

Takk til fotoelever fra Norges Kreative Fagskole/Bergen for bilder fra forestillingen!